Bīdreiba "Latgolys Producentu Grupa"

Dabasu Durovys 

STYKLU VĪTĀ SKAŅA

Daugovpilī, 2012. goda 11. oktobrī latgalīšu rokgrupa „Dabasu Durovys” prezentēja sovu ūtrū muzykys albumu „Styklu vītā skaņa”.

Muzykys albumā īkļautys 14 kompozicejis latgalīšu, latvīšu i angļu volūduos. Vairuokys dzīsmis jau ir pazeistamys klauseituojim kai singli – „Vacais mašinists”, „Grēku fani”, „Trešais pagarynuojums” i c.

Dzīšmu muzykys i tekstu autors pa lelam ir grupys līders Arņs Slobožaņins. Vys tik albumā var atrast ari legendaruos Daugovpiļs grupys „Elpa” vīnu nu pyrmajom īstudātajom kompozicejom „Dziesmiņa par izglābšanu” (O. Vācieša teksts), kū „Dabasu Durovys” īrakstejuse sadarbeibā ar komponistu, basgitaristu Valdi Rundzānu piec veiksmeiguo kūpprojekta muzykys i muokslys festivalā „Bildes 2010”. Grupys daiļradē ir ari pazeistamu Latgolys dzejnīku ītekme – dzīsmei „Veikala dadzynuošona” izvālāts Valentina Lukaševiča teksts, nu dzīsmi „White” īdvesmojuse Ontona Slišāna dzeja.

Albuma nūsaukums „Styklu vītā skaņa” rodīs īsaspaidojūt nu idejis, ka pasauli var redzēt na tik vizuali, nu ari caur skonu.

Albums īraksteits Arņa Slobožaņina sātys studejā. Miksieja Armands Treilihs, Edgars Skrāģis, Nick Dawes. Albuma apstruodi padariejs Nicolas Dawes (Franceja).

Grupa „Dabasu Durovys” rodusīs 2006. goda suokuos Daugovpilī. Grupys pyrmais albums „Ļepetnīks” izguoja 2008. godā.

Albumu „Styklu vītā skaņa” izdūd „Latgolys Producentu Grupa”. Albuma informativī atbaļsteituoji ir Latgolys Radeja, Divu krostu radeja i portals Lakuga.lv.

1. Pusnakts triādis

2. Grēku fani

3. Tai tam byus byut

4. Lai jau kreit

5. Sajiutu īluopi

6. Pavasara talka

7. Muoksleigī kāmeiši

8. Krāns

9. Veikala dadzynuošona

10. Trešais pagarinuojums

11. Par Martu

12. Dziesmiņa par izglābšanu

13. White

14. Vacais mašinists