Bīdreiba "Latgolys Producentu Grupa"

Show More

LATGALĪŠU PUOSOKYS

I PUORSOKYS

Ar Vaļsts Kulturkapitala fonda i bīdreibys “Latgolys Producentu Grupa” atbolstu  2010. goda vosorā ir izdūts pyrmais audio īroksts / CD “Latgalīšu puosokys i puorsokys”, kurā īkļautys latgalīšu tautys puorsokys. Materiala īrokstā pīsadalejuši Latgolā i Latvejā vairuok ci mozuok pazeistami kulturys aktivisti.

Diskā īraksteita 31 puorsoka i tuos īrunuojuši – muziki (Aigars Runčis,  Artūrs Uškāns, Gunārs Igaunis, Guntra Kuzmina, Alvis Bernāns, Juris Vucāns,  Ilmārs Dreļs u.c.), rakstnīki, dzejnīki (Valentīns Lukaševičs, Oskars Orlovs,  Līga Rundāne), artisti (Kristaps Rasims, Andris Rudzinskis) i cyti kulturys i  sabīdriskī aktivisti. Īraksteituos puorsokys vairuoku godu garumā, teikūtīs ar  teiciejim vysaiduos Latgolys vītuos, savuokuse kulturys darbineica i  tradicionaluos kulturys tradiceju turātuoja Iveta Dukaļska.

“Latgalīšu puosokys i puorsokys” izdevuse bīdreiba “Latgolys Producentu  Grupa”. Īroksta mierkis ir padareit pīejamuoku itū latgalīšu mutvuordu  folklorys dali ikvīnam i tū aktualizēt vysā nūvodā. Īroksts tyka duovynuots Latgolys nūvodu bibliotekom, kai ari lelai daļai školu i  bārnuduorzu, NVO i cytom organizacejom, kur tuos varēs klauseitīs sevkurs  iņteresents.

““Peiksti voi napeiksti, ak muote sacē, ka juosaklausa, ta juosaklausa  irā!” tai drupeit puorfrazejūt vīnu nu puorsokom var saceit par izdūtū disku.  Juosaklausa, kab sajustu latgalīšu izlūkšņu boguoteibu, nūvoda eipatneibys i  latgalīšu dzeivis gudreibu”, atzeist īroksta izdevieji.