Bīdreiba "Latgolys Producentu Grupa"

Show More

Dabasu Durovys 

ĻEPETNĪKS

2008. goda oktobrī izguoja latgalīšu rokgrupys „Dabasu Durovys” pyrmais myzykys skrytuļs ar nūsaukumu „Ļepetņīks”.

Albumā apkūpuotys 11 dzīsmis, nu kurom zynomuokuos ir „Bezpruotā”, „Vipingys blūzs”, „Piparmātru čajs”, „Maņ nav” i cytys.
Dzīšmu muzykus i tekstu autori ir grupys muzykanti Arns Slobožaņins, Juoņs Veliks, Egils Kulmanis, a dzīsme „Soldons leits” radeita sadarbeibā ar Latgolys jaunū aiļinīku Oskaru Orlovu (Raibīs Suņs).


Muzykys skrytuļs „Ļepetņīks” tyka izlaists, kab veicynuotum latgalīšu jaunuos rokmuzykys pīejameibu Latvejis i pasauļs muzykys apritē, lai aktualizātum latgalīšu volūdys daudzveideigu lītuojumu i lai raiseitum jaunīsu interesi par radūšajom izpausmem muzykā.


Grupys „Dabasu Durovys” muzykanti stuosta, ka grupai skrytuļa izdūšona ir kai logisks pīturys punkts radūšajā darbeibā. Arns Slobožaņins stuosta, ka klausūtīs albumā izdūtuos dzīsmis, klauseituojs varēs dzierdēt, kai grupa ir izaugus diveju godu laikā.
Albuma dzīsmis īraksteitys „Rīgas Skaņu ierakstu studija” i „Latgolys Radejis” īrokstu studejā laikā nu 2006. da 2008.gadam. Albuma miksu i māsteringu veice Armands Treilihs.


Grupys „Dabasu Durovys” muzykys skrytuli „Ļepetņīks” izdūd „Latgolys Producentu Grupa” ar Vaļsts Kulturkapitala fonda Latgolys programys, Latgolys Regiona Attīsteibys agenturys, Latgolys Regiona Turisma asociacejis i Aglyunys Turisma informacejis punkta, park hotel „Latgola” restorana „PLAZA” i kluba „Depo” atbolstu.