Nūsaslēdzs raidejumu cyklys "Puormejis"
Jau viesteits, ka itūgod bīdreiba “Latgolys Producentu Grupa” izveiduojuse jaunu raidejumu cyklu “PUORMEJIS”, kurymā pīcūs raidejumūs teik runuots par izmaiņom Latgolys sociali ekonomiskajūs, sabīdryski politiskajūs i kulturys procesūs. Niu raidejumu ciklys nūsaslēdzs i kotram ir vareiba īsapazeit ar vysu raidejumu temom.
Raidejumu cykla “PUORMEJIS” mierkis ir styprynuot nacionalū kultūrtelpu Latgolys latvīšu volūdā, vaļstiskū apziņu, kritiskū dūmuošonu, kai ari sabīdreibys salīdeiteibu iz latgalīšu volūdys pamata. Raidejumūs tiks analizātys itaidys temys kai latgaliskuo kulturtelpa i volūda, pīrūbežys medeju telpa, ekonomika i uzjiemiejdarbeiba, Eiropys Savīneibys uorejuo rūbeža, administrativi teritorialuo reforma.
Pīcu raidejumu cyklys “PUORMEJIS” beja paradzāts kai pīci sūli, lai raideit, apzynuot i atrast Latgolys regionam svareigūs temu realejas i tū atteisteibys vierzīņu īspiejis puormaiņu laikmatā. Latvejis austrumu regionam, Latgolai, itys ir nūpītnys puorbaudejumu laiks. Administrativi teritorialuo reforma, geopolitiskais nūvītuojums, kulturys i identitatis tradicejis, virusu pandemejis draudu i tūs potencialuos sekys, kai ari Latgolys cylvāks – ar bīži viņ vēļ naizmontuotu potencialu regiona i vaļsts izaugsmis veicynuošonā.
Projektu finaņsej Medeju atbolsta fonds nu Latvejis vaļsts budžeta leidzekļu. Par raidejumu “PUORMEJIS” saturu atbiļd bīdreiba “Latgolys Producentu Grupa”.
Pyrmūs divejus cykla raidejumus var nūsavērt ite:
http://www.muzyka.lv/viests/params/post/2190885/jauns-raidejums-par-latgalisu-kulturtelpys-problemvaicuojumus
Trešajā raidejumā teik apsavārta situaceja ap uzjiemiejdarbeibys vidi Latgolys regionā i atbolsta mehanismim, ka paleidz uzjiemiejim. Kai regionā jiutās uzjiemieji? Kaida ir RSEZ i LSEZ nūzeime i funkcejis? Kū par atbolsta mehanismu efektivitati dūmoj omotpersonys i nūzaris eksperti?
Caturtajā raidejumā teik apsavārta situaceja ap ES uorejū rūbežu. Ar kaidim izaicynuojumim juosasaskar tuos sorguošonā? Kaidys nalykumeibys atrostys rūbežys byuvnīceibys procesā? Kai dzeivuot pīrūbežā? Cik aktualys ir kontrobandys problemys? Kai teik kontrolieta nalelgaluo imigraceja? Voi īdzeivuotuoji jiutās drūšeibā?
Pīktajā raidejumā teik apsavārta situaceja ap administrativi teritorialū reformu i tūpūšuom pošvaļdeibom regionā. Kaida byus vītejuo pošvaļdeibu vara Latgolā? Kū par tū dūmoj īdzeivuotuoji, pošvaļdeibu puorstuovji, eksperti i reformys autori?