Izguojs grupys "Dabasu Durovys" pīktais albums
Grupa “Dabasu Durovys” izdavuse jau pīktū albumu, kuram dūts nūsaukums “Perimetrs”. Tymā īkļauti 10 skaņdorbi latgalīšu i latvīšu literarajā volūdā, kas īturāti poproka stilā. Albuma izdeviejs "Latgolys Producentu Grupa".
“Da šam asam sovys dzīsmis aranžiejuši poši, bet itamā reizē tū ir paleidziejuši izdareit cyti muziki – Einārs Lipskis (dzīsmis “Ceļaviejs”, “Reits”, “Gorā Seits”, “Aizliegums”) i Zurabi Ivanāns (dzīsmis “Būs vai nebūs”, “Ūglis”). Sadarbeiba ar cytim muzikim daudzom albuma dzīsmem pīškāruse svaiguoku i grupai naīrostu skaniejumu. Albums ir eipašs ari ar tū, ka vairuoku dzīšmu tekstim izmontuoti Latvejis dzejnīku radeiti dorbi – Ojāra Vācieša (dzīsme “Akmenī”), Andryva Jūrdža (dzīsme “Leiču, leiču”), Lidijis Slišānis (dzīsme “Ar dzeloņiem uz iekšu”), Ontona Kūkoja (dzīsme “Reits”), tai par jaunū albumu soka poši muziki.
Dzīsmis īraksteitys Eināra Lipska, Arņa Slobožanina, Denisa Smirnova i Aleksandra Tamana sātys studejuos, kai ari “Sugar Hill Studios” (Hjūstona, ASV). Dzīšmu piecapstruodi veice Armands Treilihs. Albuma dizaina autors – Aivars Bulis.
Albums “Perimetrs” digitalā formatā daīmams “iTunes”, “Spotify”, “Bandcamp” i cytuos muzykys straumiešonuos vītnēs, bet taustama formatā daīmams kai vinila plate.
Albums “Perimetrs” radeits ar Vaļsts Kulturkapitala fonda, AKKA/LAA, Laipa i Pītera Aloiza Ragauša atbolstu. Albumu informativi atbolsta Latgalīšu kulturys ziņu portals lakuga.lv i failiem.lv.
Albums “Perimetrs” digitalā formatā ITE.
Viests puorpublicāta nu lakuga.lv https://www.lakuga.lv/2020/09/28/grupa-dabasu-durovys-izdud-piktu-studejis-albumu-perimetrs/
