L  A  T  G  O  L  Y  S      P  R  O  D  U  C  E  N  T  U     G  R  U  P  A
  • IZ SĀTU
  • VIESTS
  • DORBI
  • PAR BĪDREIBU
  • KONTAKTI

Grupai “Bez PVN” jauna dzīsme – “Besi”

10. novembris, 2018 pl. 11:26, Nav komentaru

Grupa “Bez PVN” klauseituojim pīduovoj jaunu dzīsmi “Besi”, kuruos vuordu i muzykys autors ir Kristaps Rasims. Dzīsme prezentaceju pīdzeivuoja šudiņ radejā “Star FM”.


Dzīsme “Besi” ir stuosts par valnim, nalobajim, demonim, parazitim golvā. Dzīsmis muzykys i vuordu autors ir Kristaps Rasims, tei īraksteita studejuos “Hodila Records” i “Reiga”, dzīsmi miksieja Krišjānis Geidāns, masterieja Kaspars Ansons.

Grupā “Bez PVN” dorbojās – Kristaps Rasims (bolss, bandžo), Guntis Rasims (bolss, akordeons), Juris Vucāns (bolss, elektriskuo gitara, samplers), Valdis Vucāns (basgitara) i Normans Bārbals (bungys). Ituo goda 27. decembrī grupa, kuruos dzymtuo vīta ir Kuorsova, svieteis sovys pastuoviešonys 15. jubileju.

“Besi” ir grupys itūgod publiski atruodeituo ūtruo dzīsme piec plotai pazeistamys tykušuos dzīsmis “Eņgeli sviļpoj”. Grupa ir daudzu cytu latgalīšu muzykys apvīneibu īdviesmis olūts. Taipat “Bez PVN” sajiemuši vairuokys latgalīšu kulturys goda bolvys “Boņuks”, tūs vydā ari itūgod “Boņuks 2017” par lobuokū snāgumu pop/rock muzykā pārnejā godā.

Tyvuokuo grupys uzastuošona, kur dzīsmi varēs dzierdēt kluotīnē, byus 30. novembrī Preiļūs.

Rokstu sagataveja: portals lakuga.lv sadarbeibā bīdreibu "Latgolys Producentu Grupa".



Nav komentaru

Komentēt







Pādejī īroksti

  • 18. decembrī aicynojam iz koncertu "Celīs, bruoļ!"
    15. dec. 2021
  • Laikmeteiguos latgalīšu muzykys mini albums “Dīna bez gola”
    15. dec. 2021
  • Jauns Youtube kanals latgaliski “Im a’mazed”
    5. jan. 2021
  • Nūsaslēdzs raidejumu cyklys "Puormejis"
    16. okt. 2020
  • Izguojs grupys "Dabasu Durovys" pīktais albums
    15. okt. 2020
  • Jauns raidejums par latgalīšu kulturtelpys problemvaicuojumus
    2. jūl. 2020
  • Kinys “Laiki. Cylvāki. Volūda” pyrmizruode škārsteiklā i LTV
    20. apr. 2020