Grupai “Bez PVN” jauna dzīsme i video “Nabyus baiss(t)”
Grupa “Bez PVN” apreli suoc ar video dzīsmei “Nabyus baiss(t)”. Dzīsme pyrmatskaņuojumu pīdzeivuoja 2. aprelī radejā “Star FM”.Dzīsmis muzykys i vuordu autors ir Kristaps Rasims, tei īraksteita studejuos “Hodila Records” i “Reiga”, dzīsmi miksēja Krišjānis Geidāns, masterēja Kaspars Ansons. Par pyušamūs instrumentu īspēlem grupa paļdis soka Denisam Smirnovam.
Dzīsmis "Nabyus baiss(t)" video operators ir Ivars Utināns, kusteibu horeografs – Ilmārs Dreļs. Video pīsadola Juoņa Ivanova Rēzeknis muzykys vydsškolys pyutieju orkestris, bet video fiļmēts Latgolys viestnīceibā GORS i Natalejis Draudzenis vydsškolā.
Par dzīsmis ideju teksta autors Kristaps Rasims soka: “Mums kotram ir juopuorvar sovi dzeivis lada kolni, kas aizsoluši stuov prīškā kasdīnys rutinā. Tūmār leluokais lada kolns esi tu pats sev. Myusu bailis ir tuos, kas mums aiztaisa ceļus, pa kurim mes varātu augt. Vajaga sapņuot – sapņuot ar vierīni, nasabeit dareit lelys lītys i svīstīs nazynomajā. Kotrys myusu padareitais dorbs i vuords maina pasauli. I tys ir viņ myusu pošu rūkuos, iz kuru pusi mes jū maineisim! Nasabeist – dori!”
Grupā “Bez PVN” dorbojās – Kristaps Rasims (bolss, bandžo), Guntis Rasims (bolss, akordeons), Juris Vucāns (bolss, elektriskuo gitara, samplers), Valdis Vucāns (basgitara) i Normans Bārbals (bungys).
“Bez PVN” sajāmuši vairuokys latgalīšu kulturys goda bolvys “Boņuks”, tūs vydā ari itūgod “Boņuks 2018”.
2019. goda 26. oktobrī grupa aicynoj iz sovu lelkoncertu "Rūbeži" Latgolys viestnīceibā GORS. Beletus var nūpierkt ITE.