L  A  T  G  O  L  Y  S      P  R  O  D  U  C  E  N  T  U     G  R  U  P  A
  • IZ SĀTU
  • VIESTS
  • DORBI
  • PAR BĪDREIBU
  • KONTAKTI

Izsludynoj remiksu konkursu latgalīšu dzīsmem

4. aprīlis, 2019 pl. 10:30, Nav komentaru

Bīdreiba “Latgolys Producentu Grupa” izsludynoj remiksu konkursu latgalīšu dzīsmem, kurymā var pīsadaleit sevkurs muzykys DJ/producents bez kaidu īrūbežuojumu. Konkursa miekis ir popularizēt i aktualizēt dzīsmis ar latgaliskim tekstim. Remiksa dorbu īsnēgšonys termiņš ir 13. majs, bet bolvu fonds - 1000 EUR.


Bīdreiba “Latgolys Producentu Grupa” izsludynoj remiksu konkursu latgalīšu dzīsmem.

Konkursa miekis: popularizēt i aktualizēt dzīsmis ar latgaliskim tekstim.

Kai remiksa originala materialu var izmontuot sevkura autora/muokslinīka/grupys, sevkurā stylā radeitu dzīsmi, kas originalā teik izpiļdeita latgaliski.

Konkursā var pīsadaleit sevkurs muzykys DJ/producents, bez īrūbežuojumu.

Konkursa bolvu fonds ir 1000 EUR*.

1. vīta – 300 EUR (350 EUR)

2. vīta – 240 EUR (280 EUR)

3. vīta – 180 EUR (210 EUR)

specbolvu** fonds – 160 EUR.

*naudys bolvys tiks izmoksuotys autoratleidzeibu formā. Īkovuos nūruodeitys sumys kūpā ar vysim autoratleidzeibu nūdūklim.

**specbolvu fonda atbolsts tiks nūteikts i sadaleits atkareibā nu īsnēgtūs remiksu daudzuma, kvalitatis i originalitatis.

Organizatori patur īspieju vysus konkursam īsnēgtūs dorbus izvītuot škārsteikla socialajūs portalūs i atskaņuot tūs publiski.

Konkursa remiksa dorbu īsnēgšonys termiņš: 13. majs, plkst. 23.59

Remiksa fails juoīsyuta iz epostu: latgolys.producentu.grupa@gmail.com

Rezultatu paziņuošona: 24. majs

Konkursa žureja: “Latgolys Producentu Grupa” puorstuovi i pīsaisteitī nūzaris profesionali.

Pīzeime: Konkursa organizatori ar prīcu paleidzēs DJ sasazynuot ar konkretu dzīšmu autorim par īspiejom dabuot interesejūšūs originalūs dzīšmu skanis celeņus.

Konkursa nūlykuma teksts LVS ITE


Nav komentaru

Komentēt







Pādejī īroksti

  • 18. decembrī aicynojam iz koncertu "Celīs, bruoļ!"
    15. dec. 2021
  • Laikmeteiguos latgalīšu muzykys mini albums “Dīna bez gola”
    15. dec. 2021
  • Jauns Youtube kanals latgaliski “Im a’mazed”
    5. jan. 2021
  • Nūsaslēdzs raidejumu cyklys "Puormejis"
    16. okt. 2020
  • Izguojs grupys "Dabasu Durovys" pīktais albums
    15. okt. 2020
  • Jauns raidejums par latgalīšu kulturtelpys problemvaicuojumus
    2. jūl. 2020
  • Kinys “Laiki. Cylvāki. Volūda” pyrmizruode škārsteiklā i LTV
    20. apr. 2020