Zynomi latgalīšu dzīšmu remiksu konkursa uzvarātuoji
Apreļa suokumā Bīdreiba “Latgolys Producentu Grupa” izsludynuoja remiksu konkursu latgalīšu dzīsmem. Niu zynomi konkursa rezultati i par lobuokū konkursā atzeits Andrian van Sin remikss Rēzeknis nūvoda vokaluos studejis “Skonai” dzīsmei “Rūžu duorzi”.Latgalīšu dzīšmu remiksu konkursā pīsasaleit vareja sevkurs muzykys DJ/producents bez kaidu īrūbežuojumu. Konkursa miekis beja popularizēt i aktualizēt dzīsmis ar latgaliskim tekstim. Konkursa tyka īsnāgti deveni dorbi, kurūs viertēja deveni ar muzykys produciešonu ci atskaņuošonu saisteiti ļauds, tūs vydā Latvejis Radejis 5 DJ Magnuss Eriņš, elektroniskuos deju muzykys spielietuoja DJ Deila, legendarīs latgalīšu underground muzykys puorstuovs DJ Guntix i cyti.
Gola viertiejumi saguoja gona tyvai i leidzeigi, i vītu sadaliejumā vaira pasaveice itim DJ:
1. vīta – Adrian van Sin (remix dzīsmei "Rūžu duorzi")
2. vīta – DJ Valns (remix dzīsmei "Gareiguo komercdarbeiba")
3. vīta – Noitro (remix dzīsmei "Besi")
Pi specbolvu teik ari LNDKID i Arthur Slishan ar sovim remiksim, kas beja pavysam tyvai gūdolguotuom vītom. Konkursa laureati sajims naudys bolvys nu 1000 eiro leluo bolvu fonda.
Bīdreibys “Latgolys Producentu Grupa” puorstuovi soka lelu paļdis vysu dorbu īsnīdziejim i aicynoj ari iz prīšku taiseit remiksus latgalīšu dzīsmem!
Vysus konkursam īsnāgtūs remiksu dorbus var nūsaklauseit ite: