100gadis bolsi CELĪS, BRUOĻ!

Par gūdu Latgolys kongresa symtgadei 2017. goda pavasarī izdūts latgalīšu muzykys izlase “Celīs, bruoļ!”, kurā apkūpuotys Latgolā zynomys dzīsmis jaunā i naīrostā izpiļdejumā. Itei muzykys izlase ir Latgolā i Latvejā zynomu muokslinīku duovona Latgolas kongresa symtgadē. Izlasis idejis autori ir muziki Guntis Rasims i Arnis Slobožanins, izdeviejs bīdreiba “Latgolys Producentu Grupa”, bet izlasis izdūšonu podturiejuse Kulturys ministreja. Albumā īkļautys 12 popularys latgalīšu dzīsmis jaunuos skaņos, kuruos izpylda zynomi muokslinīki: Renārs Kaupers, Juoņs Aišpurs, Kārlis Kazāks, Valters Frīdenbergs, Kristaps Rasims, Aigars Runčis, Andris Eriņš, Guntra Kuzmina, Atis Auzāns, Ingars Gusāns, Artūrs Uškāns, Gunārs Igaunis, Jurs Ostrovskis, Laura Bicāne, f/k “Dyrbyni”, Normunds Zušs, Ēriks Zeps, Jurs Vucāns, Gints Ločmelis, Aija Eriņa, “Rūžupis veiri”, Ingars Puncuļs, Vinsents Kūkojs, Oskars Orlovs, Inga i Normunds, Kvāps i Ūga nu “Ausmeņa records”, Dainis Skutelis, DJ Guntix i vēļ daudzi cyti. Sūpluok dzierdamys taidys dzīsmis kai “Tuoli dzeivoj”, “Screen”, “Latgaleite”, “Babeņa”, “Skaidra volūda”, “Rūžeņa” i cytys, kai ari eipašu atdzimšonys reizi pīdzeivuojuse bruoļu Valda i Māra Muktupuovulu (vuordu i muzykys autori) dzīsme “Pīmiņ, bruoļ!”, kurū itymā izlasē dzīd ari latgalīšu pyrmuos paudzis piecteči Renārs Kaupers i Juoņs Aišpurs.